Франциянинг «Марсель» клуби яна мағлубиятга учради. Бу сафар жамоа Европа лигасининг дастлабки турида Туркиянинг «Бешиктош» клубига 1:4 ҳисобида йирик ҳисобда ютқазди.

Прованс жамоаси учун мавсум бошланиши ўта муваффақиятсиз кечмоқда. «Марсель» барча мусобақаларни ҳисобга олганда дастлабки беш учрашувнинг тўрттасида мағлуб бўлди.

Маълум бўлишича, клубда бундай омадсиз старт сўнгги марта 1964/1965 йилги мавсумда қайд этилган.

Айни пайтда «Марсель» Франция чемпионати турнир жадвалида атиги 13-ўринни эгаллаб турибди.

Лига 1нинг навбатдаги турида «Марсель» Парижнинг «ПСЖ» клубига қарши майдонга тушади. Учрашув 20 сентябрь, якшанба куни бўлиб ўтади.