"Барселона" вингери Ламин Ямал Ла Лигада қайси жамоаларнинг ўйинини томоша қилишни ёқтиришини айтди.

"Менга "Бетис"нинг ўйинларини кўриш ёқади. Шунингдек, "Вильярреал" ҳам менга маъқул. Премьер-лигада эса барча жамоаларни кузатаман — Англиядаги ҳар қандай ўйин мен учун қизиқ. Испанияда эса "Бетис" ва "Вильярреал"ни танлайман", — деди Ямал Хорхе Вальданога берган интервьюсида.

"Бетис" 15 очко билан Ла Лига турнир жадвалида учинчи ўринни эгаллаб турибди ва фақат Мадриднинг "Реал" клуби ҳамда "Барселона"дан ортда қолмоқда.

"Вильярреал" эса мавсумни муваффақиятсиз бошлади ва олти турдан кейин 5 очко билан 14-поғонада бормоқда.

Бугун "Барселона" сафарда "Севилья"га қарши майдонга тушади.