Бразилиялик вингер Рафинья "Барселона" билан янги меҳнат шартномаси имзолаш бўйича музокара олиб бормоқда. Бу ҳақда журналист Экрем Конур ижтимоий тармоқларда хабар берди.
Манба маълумотига кўра, юлдуз футболчи "кўк-анорранглилар"дан маошини икки баробар оширишни талаб қилган. Рафинья клубнинг энг кўп маош оладиган футболчисига айланишни истамоқда.
Ҳозирча "Барселона" раҳбариятининг бу талабга қандай жавоб бериши маълум эмас.
29 ёшли футболчининг каталонияликлар билан амалдаги шартномаси 2028 йил июнь ойи охирига қадар мўлжалланган. Унинг бозор қиймати 70 миллион еврони ташкил этади.
Жорий мавсумда Рафинья Ла Лигада олтита учрашувда 9 та гол урди ва 3 та голли узатмани амалга оширди.
