Бугун, 19 сентябрь куни Англия Премьер-лигасида "Брайтон" ва "Арсенал" ўртасидаги учрашув бўлиб ўтади. Чемпионатнинг 5-туридан ўрин олган баҳс Тошкент вақти билан соат 19:00 да бошланади.
Экспертлар фикрига кўра, бўлажак учрашувда "Арсенал"нинг ғалаба қозониш эҳтимоли 56,1 фоизни ташкил этади. "Брайтон"нинг уч очко олиш эҳтимоли 19,8 фоиз деб баҳоланган, дуранг эҳтимоли эса 24,1 фоизни ташкил қилмоқда.
АПЛда тўртта турдан сўнг "Брайтон" 7 очко билан турнир жадвалида 6-ўринни эгаллаб турибди. "Арсенал" эса тўртта ўйиннинг барчасида ғалаба қозониб, 12 очко жамғарган.
