Англия чемпионатига қайтган Майкл Антонио олти ойга ҳайдовчилик ҳуқуқидан маҳрум қилинди. Бундан ташқари, у 1000 фунт стерлинг миқдорида жарима тўлаши керак бўлади.
Бундай жазога футболчининг ЙТҲга учраган Lamborghini автомобилини воқеа пайтида ким бошқаргани ҳақида расмийларга ўз вақтида маълумот бермагани сабаб бўлди.
Суд материалларига кўра, «Уотфорд» футболчиси номига расмийлаштирилган Lamborghini Urus 2025 йил ноябрь ойида Лондонда йўл-транспорт ҳодисасига учраган.
Судда кўрсатма берган «Вест Хэм»нинг собиқ футболчиси автомобилни ўша пайтда Манчестерда бўлгани учун амакиваччасига бериб турганини айтган.
Кейинчалик полиция футболчига мазкур қоидабузарлик бўйича маълумот тақдим этишни сўраб хат юборган. Антонионинг таъкидлашича, у бу хатни умуман олмаган.
