Лондоннинг «Арсенал» клуби ҳужумчиси Кай Хаверц бош мураббий Микель Артета унинг ўйин услубига қандай таъсир кўрсатгани ҳақида гапирди.

«Авваллари яккакурашда ютқазиб қўйсам, бундан унчалик хафа бўлмасдим. Шубҳасиз, Микель мени футболчи сифатида ўзгартирди.

Энди ҳимоядаги вазифаларни бажариш ва яккакурашларда ғалаба қозониш қанчалик муҳимлигини яхши биламан. Мураббий менга кўп жиҳатдан катта таъсир кўрсатди», — дея 27 ёшли германиялик футболчининг сўзларини DailyAFC келтирди.

Кай Хаверц 2023 йил ёзида «Челси»дан «Арсенал»га 75 миллион евро эвазига ўтган эди.

У шу пайтга қадар «канонирлар» сафида жами 117 та ўйин ўтказиб, 39 та гол урди ва 18 та голли узатмани амалга оширди.