«Бавария» спорт бўлими раҳбари Макс Эберль «Барселона» футболчиси Ламин Ямалнинг «Олтин тўп» ҳақидаги фикрларига муносабат билдирди.

19 ёшли вингер мукофот энг кўп гол урган футболчига эмас, балки «дунёнинг энг яхши ўйинчиси»га берилиши кераклигини айтган эди. Голлар сонига урғу берилгани жамоатчилик томонидан «Олтин бутса» соҳиби ва «Олтин тўп» учун асосий даъвогарлардан бири саналган Гарри Кейнга қаратилган ишора сифатида қабул қилинди.

«Энг яхши футболчилар — бу пиар-кампанияга муҳтож бўлмаган ўйинчилардир», — деди Эберль. Унинг сўзларини журналист Фабрицио Романо келтирди.

«Майкл Олисе ҳам асосий даъвогарлар қаторида бўлиши керак, чунки у дунёнинг энг яхши футболчиларидан бири», — дея қўшимча қилди «Бавария» функционери.

«Олтин тўп»ни топшириш маросими 26 октябрь куни бўлиб ўтади.