«Барселона» ҳужумчиси Рафинья Диас Мадриднинг «Атлетико» клубидан Хулиан Альвареснинг амалга ошмай қолган трансфери ҳақида фикр билдирди.

Ўтган ёзда аргентиналик ҳужумчи «Барселона»га ўтишни истаган ва «Атлетико»ни тарк этиш нияти борлигини очиқ айтган эди. Бироқ Мадрид клуби раҳбарияти уни қўйиб юборишдан қатъий бош тортди.

«Ростини айтсам, Хулиан масаласида «Атлетико»нинг позициясини тушунмайман. Агар ўзингни ноқулай ҳис қилсанг, ўз имкониятларингни тўлиқ намоён этиш ва бутун эътиборингни ишга қаратиш жуда қийин бўлади.

У кетишни ва бизга қўшилишни хоҳлаётганини очиқ-ойдин билдирган эди. Бундай даражадаги футболчини қўйиб юборишни истамасликларини тушунаман, аммо бу вазиятда улар ҳаддан ошиб кетди», — дея Рафиньянинг сўзларини Managing Barca келтирди.

Transfermarkt портали Хулиан Альвареснинг бозор қийматини 120 миллион еврога баҳоламоқда.