«Барселона»нинг бразилиялик ҳужумчиси Рафинья Диас клубдаги гол уриш бўйича эришган ютуғига изоҳ берди.
Илгарироқ форвард «Расинг»га қарши ўйинда (7:2) ҳет-трик қайд этиб, 2012/13 йилги мавсумнинг дастлабки еттита ўйинида 10 та гол урган Лионель Мессининг рекордини янгилаган эди. Рафиньяда худди шу оралиқда 11 та гол мавжуд.
«Албатта, Мессининг рекордини янгилаш — хурсандчилик учун сабаб, аммо Месси — бу Месси. Менинг фикримча, у мутлақо бошқа даражада», — деди Рафинья RAC1 радиосининг Tu diras дастурида.
Қўшимча қилиш жоизки, Рафиньяда барча турнирлардаги еттита ўйинда нафақат 11 та гол, балки яна учта голли узатма ҳам бор.
