XXI асрда Испания чемпионатининг дастлабки 7 турида камида 12 та гол уришга фақат Криштиану Роналду ва Рафинья муваффақ бўлган.

Бугун «Барселона» ҳужумчиси «Севилья»га қарши сафар учрашувида учта гол уриб, хет-трик қайд этди. Каталонияликлар баҳсда 3:1 ҳисобида ғалаба қозонди.

Айни пайтда Рафиньянинг шахсий голлари сони «Севилья»нинг жорий чемпионатда урган голларидан ҳам кўп. Шунингдек, бразилиялик футболчи бу мавсум Ла Лигадаги 11 та жамоадан кўпроқ гол урган.

Ҳозир Рафинья ҳисобида 12 та гол ва 3 та голли узатма бор.

XXI асрда мавсумнинг дастлабки 7 турида бундай натижага эришган ягона футболчи Криштиану Роналду эди. Португалиялик ҳужумчи 2014/15 мавсумида «Реал» сафида 13 та гол урган.

«Барселона»нинг собиқ ҳужумчиси Лионель Месси эса 2017/18 мавсумида дастлабки 7 та ўйинда 11 та гол киритган.