«Барселона» сардори Рафинья Ла Лиганинг 7-турида «Севилья»га қарши ўйинда «идеал» хет-трик қайд этди. Каталонияликлар сафарда 3:1 ҳисобида ғалаба қозонди, учала голни ҳам бразилиялик футболчи урди.
Рафинья 22-дақиқада ўнг оёқда ҳисобни тенглаштирди. У 52-дақиқада бош билан иккинчи голини урган бўлса, 69-дақиқада чап оёқда тўпни дарвозага йўллаб, хет-трикни расмийлаштирди. Футболда бир ўйинда ўнг оёқ, чап оёқ ва бош билан гол уриш «идеал» хет-трик деб аталади.
«Opta» маълумотига кўра, Рафинья сўнгги 20 йил ичида Ла Лигада «Барселона» сафида «идеал» хет-трик қайд этган иккинчи футболчи бўлди. Бунгача Луис Суарес 2015 йил май ойида «Кордоба»га қарши баҳсда шундай натижа кўрсатган эди.
Бу Рафиньянинг кетма-кет иккинчи хет-триги бўлди. У аввалги турда «Расинг»га қарши 7:2 ҳисобидаги ғалабада ҳам учта гол урганди. Бразилиялик футболчи жорий мавсумнинг дастлабки еттита Ла Лига учрашувида 12 та голга муаллифлик қилди. Барча мусобақаларни ҳисобга олганда эса унинг ҳисобига дастлабки саккиз ўйинда 14 та гол ёзилган.
