«Ливерпуль»нинг испаниялик янги футболчиси Виктор Муньос янги жамоасидаги муҳитдан мамнун эканини ва клуб мухлисларининг ишончини қозонганини ҳис қилаётганини айтди.
«Бу ерда ўтказган вақтим ҳали унчалик кўп бўлмаса-да, мени чиндан ҳам яхши кўришларини ҳис қиляпман. Ҳамма менга жуда яхши муносабатда бўляпти ва бу мени ниҳоятда бахтли қилади», — дея испаниялик футболчи сўзларини derbyderbyderby.it келтирмоқда.
Якшанба куни «Ливерпуль» АПЛнинг 5-турида «Борнмут»га қарши майдонга тушади. Мерсисайдликлар олдинги учрашувда «Фулхэм» билан дуранг ўйнаган.
«Ливерпуль» сўнгги бор 2025 йилда Англия чемпиони бўлган.
