«Барселона» вингери Ламин Ямал «Севилья»га қарши учрашувда иккита голли узатмани амалга оширди. Каталонияликлар ушбу баҳсда 3:1 ҳисобида ғалаба қозонди.
Испаниялик футболчи хет-трик қайд этган Рафинья Диасга икки бор ассистентлик қилди. Шу тариқа Ямалнинг клуб миқёсидаги фаолияти давомидаги голли узатмалари сони 51 тага етди.
Opta маълумотларига кўра, Ямаль 19 ёшу 68 кунлигида барча мусобақалар ҳисобида 50 та ассист маррасига етган Ла Лиганинг энг ёш футболчисига айланди. Ушбу статистика 2013/2014 йилги мавсумдан буён юритиб келинади.
Аввалги рекорд Мадриднинг «Реал» клуби футболчиси Винисиус Жуниорга тегишли эди. Бразилиялик бу натижага 22 ёшу 298 кунлигида эришган.
Шунингдек, Ламин Ямал «Барселона» сафида 159 та учрашувда 57 та гол урган.
