"Тоттенхэм" бош мураббийи Роберто Де Дзерби жамоанинг навбатдаги мағлубиятидан кейин асосий муаммони айтди.

"Шпорлар" шанба куни Англия Премьер-лигаси доирасида ўз майдонида "Астон Вилла"га 2:3 ҳисобида имкониятни бой берди. 86-дақиқага қадар таблода 0:3 ҳисоби қайд этиб турган эди.

"Мен ҳеч қачон бизнинг жамоамизга ўхшаган жамоани кўрмаганман. Биз жуда нозик ва беқарормиз. Ё яхши ўйнайсан, ё ёмон. Дастлабки 30-40 дақиқа юқори даражада ҳаракат қилиб, кейин бундай парчаланиб кетиш мумкин эмас", — дея Де Дзерби сўзларини The Touchline келтирмоқда.

"Тоттенхэм" Англия чемпионатининг дастлабки беш туридан сўнг бор-йўғи 2 очко жамғарди.

Матбуотда италиялик мутахассиснинг эҳтимолий истеъфоси ҳақидаги гап-сўзлар ҳам кучайиб бормоқда.