Мюнхеннинг «Бавария» клуби ҳужумчиси Харри Кейн Берлиннинг «Унион» жамоаси устидан 7:0 ҳисобидаги йирик ғалабадан сўнг жамоадоши Майкл Олисенинг ўйинига баҳо берди. Учрашувда француз вингери учта гол урди.
«Олисе мавсум бошиданоқ ўзини жуда яхши кўрсатмоқда. Менимча, у ажойиб футболчи. Майкл жаҳон чемпионатида ўзини жуда яхши намоён қилди ва «Бавария» ўйинларида ҳам буни давом эттирмоқда. У янада яхшироқ бўлиши мумкин. Ҳозир унда ривожланиш учун ажойиб шароитлар бор. Олисе жамоамиз учун жуда муҳим», — деди Кейн.
Майкл Олисе жорий Бундеслига мавсумида 4 та учрашувда майдонга тушиб, 4 та гол урди ва 1 та голли узатмани амалга оширди.
