«Бавария»нинг собиқ ҳимоячиси Биксант Лизаразю Харри Кейнни жамоавий ютуқларни шахсий натижалардан устун қўяётгани учун мақтади.

Аввалроқ «Бавария» ва Англия терма жамоаси ҳужумчиси шундай деганди: «Мени жамоани ҳамма нарсадан устун қўядиган футболчи сифатида эслашларини хоҳлайман. Футболчи клуб ёки терма жамоадан устун бўлиши мумкин эмас. Мен ҳар доим ўзимни кўз-кўз қилмасдан меҳнат қилганман».

«Олтин тўп» учун асосий даъвогарлар ҳақида гапирар экан, Кейн Килиан Мбаппе, Усман Дембеле, Ламин Ямал, Родри ва Майкл Олисени тилга олган.

«Бу намунавий интервью. Уни бошқа футболчиларга ҳам кўрсатиш керак. У жамоавий манфаатни устун қўядиган қарашларга эга. Бу спортда шерикларингизсиз ҳеч нарса эмассиз. У учун жамоа ҳамма нарсадан устун.

У ғалаба қозонишига ишонади ва бунинг учун асослари бор. Бироқ у бошқа футболчилар ва уларнинг хизматларини ҳам эътироф этди. Бошқалардан бундай гапларни ҳар доим ҳам эшитавермаганман», — деди Лизаразю Telefoot нашрига берган интервьюсида.