Мадриднинг «Реал» клуби дарвозабони Тибо Куртуа «Атлетико»га қарши дербидаги ҳакамликдан очиқчасига норози бўлди.

Эпизодлардан бирида «матрасчилар» ҳужумчиси Ли Кан Ин Федерико Вальверденинг оёғига қаттиқ зарба берди, «қаймоқранглилар» фикрича, бунинг учун у тўғридан-тўғри қизил карточка олиши керак эди. Ҳакамлар қарорларини таҳлил қилувчи нуфузли Archivo VAR аккаунти ҳам шундай фикрда: экспертлар хулосасига кўра, рефери ушбу эпизодда жанубий кореялик футболчини майдондан четлатмай хатога йўл қўйган.

Дерби якунланганидан сўнг кўп ўтмай, Куртуа ижтимоий тармоқларда ушбу таҳлил жойлаштирилган постни бўлишди ва «лайк» босди, шу орқали «Реал»нинг норозилигини қўллаб-қувватлади. Маълумот учун, меҳмонлар Дин Хёйсен четлатилгани сабабли 50-дақиқадан бошлаб бир киши кам бўлиб ўйнашди. «Атлетико» кўпчиликда иккита гол уриб, уч очкони қўлга киритди (2:1).