«Милан» Серия А доирасидаги «Лечче»га қарши ўйинда 3:0 ҳисобида ғалаба қозонди. «Милан» ҳужумчиси Кристиан Пушилич ҳисобни очиб, ўз голсиз сериясига чек қўйди. Бу америкалик футболчи учун 2026 йилда «россонери» сафида урилган илк гол бўлди.
Пулишич 2025 йилнинг 28 декабрида Массимилиано Аллегри бошчилигидаги жамоа «Верона»ни 3:0 ҳисобида мағлуб этган учрашувдан бери «Милан» таркибида барча турнирларда гол ура олмаётган эди. 2026 йилда у АҚШ терма жамоаси сафида Сенегалга қарши ўртоқлик ўйинида ҳам ўз номини таблога ёздириб қўйганди.
Бўлиб ўтган ўйиндаги голли эпизодда Пулишич Павловичнинг узун узатмасини қабул қилиб олди, рақиб дарвозабони Фальконе билан бирга-бир вазиятга чиқди ва кейинги тегинишда тўпни пастки бурчакка жойлаб қўйди.
