«ПСЖ» бош мураббийи Луис Энрике Франция чемпионатининг 5-туридан ўрин олган «Марсель»га қарши ўйинда (2:1) грузиялик ҳужумчи Хвича Кварацхелиянинг алмаштирилиши бўйича берилган саволга жавоб қайтарди.

— Нима учун Кварацхелияни алмаштиришга қарор қилдингиз?

— Чунки мен мураббийман.

— Хвича билан ҳеч қандай муаммо йўқми? Ҳаммаси жойидами?

— Мен мураббийман, — деди Энрике.

Кварацхелия майдонга асосий таркибда тушди ва 59-дақиқада алмаштирилди. У самарали ҳаракатлар билан ажралиб турмади.

Жорий мавсумда Кварацхелия Франция чемпионатида бешта ўйин ўтказиб, битта голли узатмага муаллифлик қилди. Қайд этиш жоизки, Лига 1нинг ушбу мавсумида грузиялик футболчи ҳали бирорта ҳам тўлиқ ўйин ўтказмади.

«ПСЖ» Франция чемпионати турнир жадвалида олинчи ўринни эгаллаб турибди. Парижликлар ҳисобида беш турдан сўнг саккиз очко бор.