"Милан" ҳужумчиси Диегу Морейра Италия чемпионатининг 5-турида "Лечче" устидан қозонилган 3:0 ҳисобидаги ғалабадан сўнг фикр билдирди.

Морейра учрашувнинг 73-дақиқасида "Милан"нинг учинчи голини урди.

"Мен "Сан-Сиро"да гол уришни жуда яхши кўраман. Бу мен ва оилам учун катта аҳамиятга эга. Мухлислар қаршисида гол уриб, ғалаба қозониш ва дарвозамизни дахлсиз сақлаш менга катта бахт бағишлайди. Энди терма жамоалар ўйинлари учун танаффус пайтида яхши дам олиб, янги куч билан қайтишни истайман.

Мен ҳаётда ҳам, фаолиятимда ҳам нимани хоҳлашимни яхши биламан. Шунинг учун диққатни йўқотмаслик муҳим. Ҳозирча асосий таркибда ўйин бошламаяпман, аммо захирадан майдонга тушиб гол ураяпман. Мендан талаб қилинадиган нарса — жамоага бор кучимни бериш.

Ишлашда ва ўзимга ишонишда давом этишим керак. Фақат шу йўл билан мураббийга ҳар бир ўйинни асосий таркибда бошлашга тайёр эканимни кўрсата оламан", — дея 22 ёшли бельгиялик футболчининг сўзларини Sky Sports келтиради.

Морейра 2026/27 йилги мавсумда 4 та ўйинда 3 та гол урди.