Қозоғистон чемпионатида "Шахтёр" мана беш ўйиндирки ғалаба нималигини билмаяпти. Жумладан, жамоанинг сўнгги мағлубиятига бевосита ҳамюртимиз Камолиддин Мурзоев сабаб бўлди.

Қарағанда клуби мураббийлар штаби "Иртиш"га қарши ўйинда иккинчи таркибни майдонга туширди. Биринчи тайм анчагина зерикарли руҳда ўтди. Танаффусдан сўнг мезбонлар анча жонланишиб бир қатор ажойиб вазиятларни яратдилар. Улуғбек Бақоев, Қувониш Бегалинларда яхши имкониятлар юзага келди. Аммо кейинроқ футболдаги сен урмасанг, сенга уришади нақли яна бир бор ўз исботини топди. "Шахтёр" таркибида Ахат Жолшорин ҳисобни очди.

Шундан сўнг "Иртиш" таркибида қилинган ўзгаришлар ўйинга таъсир кўрсатмай қолмади. Аввалига Антон Чичулин жавоб тўпини киритган бўлса, ғалаба голига ўйин якунига икки дақиқа қолганида Камолиддин Мурзоев муаллифлик қилди.

ҚОЗОҒИСТОН ПРЕМЬЕР-ЛИГАСИ. 28-тур.
"Иртиш" (Павлодар) - "Шахтёр" (Қарағанда)
Голлар: Чичулин (78), Мурзоев (88) - Жолшорин (70).