Лондоннинг «Тоттенхэм» клуби «Ноттингем Форест»нинг ҳужумкор ярим ҳимоячиси Морган Гиббс-Уайтни сотиб олишни режалаштирмоқда. Бу ҳақда Football Insider хабар берди.
Манба маълумотига кўра, «шпорлар» 26 ёшли англиялик футболчини қишки трансфер ойнасида ўз сафига қўшиб олиш имкониятини кўриб чиқмоқда. Битим қиймати тахминан 145,8 миллион еврони ташкил этиши мумкин.
Қайд этилишича, Лондон клуби мавсум ўртасида бундай катта маблағ сарфлашдан чўчимаяпти.
«Тоттенхэм» ўтган йили ҳам Гиббс-Уайтни харид қилишга ҳаракат қилган эди.
Жорий мавсумда ярим ҳимоячи Англия Премьер-лигасида 5 та учрашувда майдонга тушиб, 1 та гол урди ва 2 та голли узатма амалга оширди.
