«Катта дубулға» турнирларининг 20 карра чемпиони, швейцариялик теннисчи Роджер Федерер Мадриднинг «Реал» клуби ва Франция терма жамоаси ҳужумчиси Килиан Мбаппенинг On бренди билан шартнома имзолаганига муносабат билдирди. Ушбу бренднинг ҳаммуассисларидан бири Федерернинг ўзи ҳисобланади.
«Кучли орзу ҳақида кучли мактуб. Оиламизга хуш келибсан, Килиан», — деб ёзди Федерер ижтимоий тармоқдаги саҳифасида Мбаппенинг янги келишув ҳақидаги хабарини репост қилиб.
Аввалроқ «Реал» ҳужумчиси Nike компанияси билан деярли 20 йиллик ҳамкорликни тўхтатгани, шунингдек, adidas ва Puma таклифларини рад этгани маълум бўлган эди. The Athletic маълумотларига кўра, эндиликда у Швейцариянинг On компаниясининг шунчаки амбассадори эмас — футболчи бизнесдан улуш ҳам олган.
