«Katta dubulg‘a» turnirlarining 20 karra chempioni, shveysariyalik tennischi Rodjer Federer Madridning «Real» klubi va Fransiya terma jamoasi hujumchisi Kilian Mbappening On brendi bilan shartnoma imzolaganiga munosabat bildirdi. Ushbu brendning hammuassislaridan biri Federerning o‘zi hisoblanadi.
«Kuchli orzu haqida kuchli maktub. Oilamizga xush kelibsan, Kilian», — deb yozdi Federer ijtimoiy tarmoqdagi sahifasida Mbappening yangi kelishuv haqidagi xabarini repost qilib.
Avvalroq «Real» hujumchisi Nike kompaniyasi bilan deyarli 20 yillik hamkorlikni to‘xtatgani, shuningdek, adidas va Puma takliflarini rad etgani ma’lum bo‘lgan edi. The Athletic ma’lumotlariga ko‘ra, endilikda u Shveysariyaning On kompaniyasining shunchaki ambassadori emas — futbolchi biznesdan ulush ham olgan.
