Лондоннинг «Тоттенхэм» клуби раҳбарияти жамоа бош мураббийи Роберто Де Зербини қўллаб-қувватлашини билдирди. Бу ҳақда TEAMtalk хабар бермоқда.

Вазият билан таниш бўлган шахсларга таянган манба маълумотларига кўра, «Тоттенхэм» италиялик мутахассисни ушбу халқаро танаффус вақтида истеъфога чиқармайди. Клубдагилар Де Зерби «шпорлар» учун муносиб мураббий эканига ва турнир жадвалидаги вазиятни ўнглай олишига ишончи комил.

Англия Премьер-лигасининг бешинчи турида «Тоттенхэм» ўз майдонида «Астон Вилла»га 2:3 ҳисобида имкониятни бой берди ва 2008 йилдан бери илк бор жадвалнинг охирги ўрнига тушиб кетди. Пойтахт жамоаси ҳисобида бор-йўғи икки очко бор.

Олинчи турда «Тоттенхэм» сафарда «Манчестер Юнайтед» билан куч синашади (10 октябрь).