"Женоа" раҳбарияти жамоа бош мураббийи Даниэле Де Россига ишонч билдиришда давом этмоқда.
Инсайдер Жанлука Ди Марцио маълумотига кўра, клуб мутахассисни истеъфога чиқариш масаласини ҳозирча кўриб чиқаётгани йўқ ва у билан ҳамкорликни давом эттириш ниятида.
"Женоа" янги мавсумни омадсиз бошлади. Жамоа А Сериянинг дастлабки 5 турида 4 марта мағлубиятга учраб, бор-йўғи 1 очко жамғарди.
"Парма"дан учралган мағлубиятдан сўнг Де Росси ўз ҳолати ҳақида ҳам фикр билдирди.
"Ўзимни қайғули, хафа, умидсиз ва бироз жаҳлдор ҳис қиляпман", деди италиялик мутахассис.
Шунга қарамай, "Женоа" ичида бош мураббийнинг келажаги бўйича ҳозирча ҳеч қандай муҳокама олиб борилмаяпти.
