«Пари Сен-Жермен» бош мураббийи Луис Энрике Ашраф Ҳакимий яқинлашиб келаётган танаффусда Марокаш терма жамоаси сафига қўшилишига қарамай, миллий жамоанинг навбатдаги учрашувида майдонга туша олмаслигини тасдиқлади. Бу ҳақда GOAL хабар берди.
Ҳакими ўтган ҳафта «ПСЖ»нинг «Брест» устидан қозонган ғалабаси вақтида ўнг сонидан енгил жароҳат олган эди. Шу сабаб у якшанба куни «Марсель»га қарши учрашувни (2:1) ўтказиб юборди. Клуб аввалроқ футболчи даволаниши ва қўшимча тиббий текширувдан ўтишини маълум қилган эди.
«Биз унинг тиббий ҳолатини аниқлаш учун Марокаш терма жамоаси билан алоқадамиз», деди Луис Энрике ва Ҳакимий учун миллий терма жамоа ўйинлари муҳим аҳамиятга эга эканини таъкидлади.
«ПСЖ» бош мураббийи, шунингдек, клуб «ҳеч қандай таваккалчиликка бормаслиги»ни ва ҳимоячининг имкон қадар яхши жисмоний ҳолатда сафга қайтишини исташини қўшимча қилди.
