Англия Премьер-лигаси 5-турнинг энг яхши футболчисини аниқлаш учун овоз бериш жараёни бошланганини расман эълон қилди. Рўйхатдан тур ўйинларида энг яхшида ҳаракат қилган етти нафар футболчи жой олди.

Асосий номзодлар қаторида «Сандерленд» ҳужумчиси Брайан Бробби ва «Манчестер Сити» футболчиси Антуан Семеньо бор. Улар «Этиҳад» стадионида 5:3 ҳисобида якунланган сермаҳсул учрашувда ёрқин ўйин намойиш этди.

Бробби «Сандерленд» сафида хет-трик қайд этган бўлса, Семеньо икки гол уриб, «Манчестер Сити» ҳужумларида муҳим роль ўйнади.

Шунингдек, номзодлар қаторига «Ньюкасл» футболчиси Харви Барнс, «Брайтон» ярим ҳимоячиси Паскаль Гросс, «Астон Вилла» вакили Йохан Манзамби, «Брентфорд» футболчиси Янник Шустер ҳамда «Ковентри» ҳимоячиси Жей Дасилва киритилди.

Мухлислар 23 сентябрь, чоршанба куни Тошкент вақти билан соат 15:00 гача Англия Премьер-лигасининг расмий рақамли платформалари орқали овоз бериши мумкин. Овоз бериш натижасига кўра, 5-турнинг энг яхши футболчиси аниқланади.