Шотландия чемпионати 7-турида «Селтик» «Рейнджерс»га 0:1 ҳисобида мағлуб бўлган учрашувдан сўнг мухлислар бўлган автобусда ёнғин чиқди. Ҳодиса «Селтик Парк» стадиони яқинидаги A728 (Clyde Gateway) йўлида содир бўлгани сабабли, ушбу ҳудуд вақтинча транспорт ҳаракати учун ёпилди.
Шотландия полициясининг маълум қилишича, ҳодиса оқибатида ҳеч ким жабрланмаган. Автобусни ижарага берган McLean’s Coaches компанияси эса дастлабки маълумотлар ва суратларга асосланиб, ёнғинга вандализм сабаб бўлган бўлиши мумкинлигини билдирди.
Компания бу тахмин мухлислар ёки клубга нисбатан айблов эмаслигини таъкидлаб, ҳодиса юзасидан тегишли идораларга хабар берилганини маълум қилди. Автобус эвакуация қилиниб, техник кўрикдан ўтказилади.
