"Реал" президенти Флорентино Перес президентлик сайловидаги собиқ рақиби Энрике Рикельме "Атлетико"га қарши Мадрид дербисига таклиф қилинганини эшитиб, қаттиқ ғазабланган. Бу ҳақда журналист Хуанма Кастаньо Cadena COPE радиостанцияси эфирида маълум қилди.
"Трибуналарда шов-шув кўтарилди. Ўйин олдидан клуб раҳбарлари бирга тушлик қилишган, чунки Флорентино Переснинг "Атлетико" президенти Энрике Сересо билан муносабатлари жуда яхши. Кейин кимдир Флорентинога: "Энрике Рикельме президент ложасига таклиф қилинганини билдик. VIP-ложага эмас, айнан президент ложасига", деди".
Журналистнинг сўзларига кўра, шундан кейин Перес қаттиқ ғазабланиб, кетишини айтган.
"Уни атрофдагилар тинчлантиришди ва Флорентино ўйинни томоша қилиш учун қолди, аммо жуда қаттиқ жаҳли чиққан эди", дея қўшимча қилди Кастаньо.
"Реал" Мадрид дербисида "Атлетико"га 1:2 ҳисобида мағлуб бўлди ва ҳозир пешқадам "Барселона"дан олти очко ортда қолмоқда.
