«Барселона»нинг собиқ футболчиси ва мураббийи Карлес Рексач Мадриднинг «Реал» клуби футболчилари ҳакамликдан шикоят қилганидан сўнг ўз фикрини билдирди. Унинг таъкидлашича, айнан «Реал» вакилларининг ҳакамликдан норози бўлиши ўринсиз.
«Бутун тарих давомида энг кўп ғалаба қозонган клуб — нафақат Испанияда, балки Европада ҳам — Мадриднинг «Реал»идир. Мен футбол ўйнаган даврда эса биз доимо мағлуб бўлардик. Тарихда ҳеч кимга ҳакамлар сизларга ёрдам бергандек ёрдам бермаган», — дея Рексачнинг сўзларини derbyderbyderby.it келтирди.
Айни пайтда «Барселона» Испания чемпионати турнир жадвалида ишончли тарзда етакчилик қилмоқда. Каталонияликлар ўтказган еттита учрашувнинг барчасида ғалаба қозонган.
Навбатдаги турда Испаниянинг амалдаги чемпиони ўз майдонида «Хетафе»ни қабул қилади.
