«Наполи» бош мураббийи Массимилиано Аллегрида муаммолар пайдо бўлган.
Жамоа А Сериянинг дастлабки беш турида атиги 7 очко тўплаб, мавсумни кутилганидек бошлай олмади. Бироқ муаммолар фақат майдондаги натижалар билан чекланиб қолмаган.
Get Football News Italy нашри Calciomercato маълумотига таяниб хабар беришича, Аллегрининг футболчилар билан муносабатлари ёмонлашган ва жамоа ичидаги кескинлик ортиб бормоқда. Манбага кўра, футболчилар мураббийнинг кўрсатмаларига тўлиқ амал қилмаяпти.
Шу билан бирга, Аллегри ўзини «хиёнатга учрагандай» ҳис қилаётгани айтилмоқда. Манба таъкидлашича, бу фақат футболчиларга эмас, клуб раҳбариятига ҳам тааллуқли.
Кевин де Брёйне билан боғлиқ вазият ҳам алоҳида саволларни келтириб чиқармоқда. Аллегрининг фикрича, бельгиялик футболчи ҳозирги формасида жамоа лойиҳасининг марказий фигураси бўлиши керак эмас.
Шу сабабли мураббий клуб раҳбарияти илгари сураётган, ўйинни де Брюйне атрофида қуриш ғоясини муваффақиятсиз деб ҳисобламоқда.
