«Фиорентина»нинг собиқ ярим ҳимоячиси Сержио Карпанези 90 ёшида вафот этди. У 1936 йилда, Иккинчи жаҳон уруши бошланишидан аввал туғилган эди.

Карпанези 1956 йилда «Фиорентина» сафида Италия чемпиони бўлган. Бу флоренцияликлар тарихидаги илк чемпионлик эди. Клуб иккинчи бор Скудеттони 1969 йилда қўлга киритган.

1958 йилда «Фиорентина» Италия кубоги финалига чиққан, аммо ҳал қилувчи учрашувда мағлуб бўлган. Орадан бир йил ўтиб, Карпанези клубни тарк этиб, «Палермо»га ўтган.

Кейинчалик у СПАЛ ва «Рома» жамоалари сафида ҳам тўп сурди. 1964 йилда эса «Рома» билан Италия кубогини қўлга киритди.

Карпанези 1972 йилда, 36 ёшида футболчилик фаолиятини якунлаган. Кейинчалик мураббийлик соҳасида ҳам ишлаган ва 1990-йиллар охирида бу фаолиятини ҳам тугатган.