«Реал Мадрид»нинг собиқ дарвозабони Сантьяго Канисарес мадридликлар ҳужумчиси Винисиус Жуниорнинг ўйинини кескин танқид қилди.

«Ҳозирда ушбу футболчи, ҳатто сардорлик боғичига эга бўлишига қарамай, жамоага фойдадан кўра жуда кўп зарар келтирмоқда. Ҳимояда меҳнат қилмайдиган битта футболчига чидаш мумкин, аммо иккитасига — асло эмас. Агар уларга учинчиси қўшилса, бу шунчаки ҳалокат. Менимча, бундай хулқ-атвор жамоа ўйинини издан чиқармоқда: ҳимоячилар ўз жарима майдончасида ҳимояланишига, ярим ҳимоячилар эса ортга қайтиб, ҳимояга ёрдам беришига тўғри келмоқда. Бундай тизим ишламайди», — деди Канисарес «Tiempo de Juego» кўрсатувига асосланиб Footmercato берган хабарида.

Жорий мавсумда Винисиус барча турнирларда саккизта ўйинда майдонга тушиб, ўз ҳисобига битта гол ва учта голли узатма ёзиб қўйди.