«Арсенал» ҳужумчиси Виктор Дьёкереш қишки трансфер ойнасида жамоани тарк этиши мумкин.
Швециялик футболчининг вакиллари аллақачон «Милан», «Ювентус», «Ал-Аҳли» ва «Ал-Иттиҳод» клублари билан дастлабки музокараларни ўтказган.
Лондон клуби ҳозирча ҳужумчини сотишни режалаштирмаяпти. Бироқ «Арсенал» январь ойида бошқа бир ҳужумчини ўз сафига қўшиб олса, клубнинг позицияси ўзгариши мумкин.
Дьёкерешнинг ўзи ҳам жамоасини алмаштириш имкониятини кўриб чиқмоқда. Бунга унинг «Арсенал»даги ҳозирги роли ва ўйин амалиётидан норози экани сабаб бўлмоқда.
