«Манчестер Юнайтед»нинг Премьер-лигада ноябрь ойида ўтказадиган учта учрашуви санаси ва бошланиш вақти тасдиқланди.

«Юнайтед»ни ноябрь ойида «Астон Вилла», «Ливерпуль» ва «Брентфорд»га қарши учрашувлар кутиб турибди.

Ойнинг дастлабки баҳсида «Астон Вилла» 8 ноябрь, якшанба куни «Олд Траффорд» меҳмони бўлади. Учрашув Тошкент вақти билан соат 21:30 да бошланади.

Дастлаб бу ўйин 7 ноябрга белгиланган эди, аммо Sky Sports орқали жонли трансляция қилиниши муносабати билан бир кунга сурилди.

Халқаро танаффусдан кейин «Манчестер Юнайтед» «Энфилд»да «Ливерпуль» меҳмони бўлади. Бу учрашув ҳам 22 ноябрь, якшанба кунига кўчирилди ва Тошкент вақти билан соат 21:30 да бошланади.

Ойнинг Премьер-лигадаги сўнгги ўйинида эса ўзгариш бўлмади. «Манчестер Юнайтед» 28 ноябрь, шанба куни «Олд Траффорд»да «Брентфорд»ни қабул қилади. Учрашув Тошкент вақти билан соат 20:00 да старт олади.

«Манчестер Юнайтед»нинг ноябрь ойидаги Премьер-лига тақвими:

8 ноябрь, 21:30 — «Астон Вилла» (уйда)

22 ноябрь, 21:30 — «Ливерпуль» (сафарда)

28 ноябрь, 20:00 — «Брентфорд» (уйда)