"Эвертон" ҳимоячиси Жерред Брэнтуэйт ҳали ҳам "Манчестер Юнайтед"нинг трансфер рўйхатида қолмоқда.

Бироқ Football Insider хабарига кўра, "қизил иблислар" 24 ёшли англиялик футболчини ўз сафига қўшиб олишда қийинчиликка дуч келиши мумкин.

Бунинг асосий сабаби "Эвертон"нинг ҳозирги молиявий ҳолати билан боғлиқ. Клуб ёзда Илиман Ндиайени "Манчестер Сити"га сотганидан кейин молиявий жиҳатдан анча қулай вазиятга келди ва таркибдаги яна бир етакчи футболчини зудлик билан сотишга эҳтиёж сезмаяпти.

Жорий мавсумда Брэнтуэйт барча мусобақаларни ҳисобга олганда 5 та учрашувда майдонга тушди, аммо гол ёки голли узатма қайд этмади.

Transfermarkt портали ҳимоячининг бозор қийматини 40 миллион еврога баҳоламоқда.