"Ливерпуль" ярим ҳимоячиси Алексис Мак Аллистер клубдаги келажаги ҳақида фикр билдирди.
Аргентиналик футболчининг амалдаги шартномаси яна икки йилга мўлжалланган. У ҳозирча келажаги бўйича якуний қарор қабул қилинмаганини таъкидлади.
"Ҳозирча якуний қарор йўқ. Шартномам бўйича яна икки йил бор.
Мен бор кучим билан ҳаракат қилишда давом этаман. Икки йил ичида кўп нарса ўзгариши мумкин, вариантлар ҳам етарли.
Бу ер менга жуда ёқади. Умид қиламанки, клубда узоқроқ қоламан. Аммо агар ҳаммаси шу икки йил билан чекланса, бу ҳам мени қониқтиради", деди Мак Аллистер.
