«Манчестер Сити» вингери Антуан Семеньо вазият тақозо этса, норвегиялик марказий ҳужумчи Эрлинг Холанднинг ўрнида ҳужум чизиғида ўйнашга тайёрлигини билдирди.
«Холанд учун ўринбосар кераклиги ҳақидаги гапларни эшитдим. Бу миш-мишлар қаердан чиққанини билмайман. Аммо агар ҳақиқатан ҳам зарурат туғилса, мен у позицияда ўйнашга тайёрман. Бу мен учун умуман муаммо эмас», — дея футболчининг сўзларини Mirror келтирди.
Жорий мавсумда 26 ёшли ганалик вингер Англия Премьер-лигасида 5 та учрашувда майдонга тушиб, 2 та гол урди ва 3 та голли узатмани амалга оширди.
Премьер-лиганинг дастлабки 5 туридан кейин «Манчестер Сити» 15 очко билан турнир жадвалида пешқадамлик қилмоқда.
