"Арсенал" академияси ярим ҳимоячиси Мишел Ндука "Манчестер Сити"га ўтишини расман якунлади. 16 ёшли футболчи июль ойидаёқ амалдаги Англия чемпиони сафига қўшилишга розилик берган эди.
Ндука "Арсенал" таклиф қилган янги узоқ муддатли шартномани рад этди. Шундан сўнг "Манчестер Сити" унинг трансфери бўйича келишувга эришди. Дастлаб футболчининг янги клубга стипендия асосида қўшилиши режалаштирилган эди.
Ёш ярим ҳимоячи шу ой бошида Instagram саҳифасида "Арсенал" билан хайрлашганини ҳам маълум қилганди.
"У "Раҳмат. "Арсенал", деб ёзган.
Ндука 2025 йил сентябрь ойида "Чарльтон Атлетик"дан "Арсенал"га келиб қўшилган ва Лондон клубида бир йилга ҳам етмайдиган вақт ўтказди.
Ўтган мавсумда у "Арсенал"нинг турли ёш тоифасидаги жамоалари сафида жами 13 та ўйинда майдонга тушди. Шулардан 10 тасини 18 ёшгача бўлганлар, 2 тасини эса 21 ёшгача бўлганлар жамоасида ўтказди.
