Ҳозирда "Порту" сафида тўп тепаётган "Арсенал"нинг собиқ ҳимоячиси Якуб Кивёр "Манчестер Сити" ҳужумчиси Эрлинг Холанд ҳақида фикр билдирди.

"У юзлаб гол урган жаҳон даражасидаги ҳужумчи. Марказий ҳимоячи сифатида ўйнаганимда Холанднинг мен томон югуриб келаётганини кўрсам, ўзимни худди регби ўйнаётгандек ҳис қилардим. У жисмонан жуда кучли ва позицияни ҳам ажойиб танлайди. Баъзида тўпнинг ўзи уни топиб бораётгандек туюлади", деди Кивёр Sportowy нашрига берган интервьюсида.

Кивёр 2023 йилдан 2026 йилгача "Арсенал" шарафини ҳимоя қилди. Ўтган ёзда эса у "Порту" сафига кўчиб ўтди.

Жорий мавсумда Холанд "Манчестер Сити" сафида барча мусобақаларни ҳисобга олганда 7 та учрашувда 7 та гол урди.