«Торино» Шотландия терма жамоаси ҳужумчиси Че Адамс билан шартномани узайтиришни асосий вазифалардан бири сифатида кўрмоқда. Футболчининг амалдаги шартномаси 2027 йил 30 июнда ўз ниҳоясига етади.
Адамс жорий мавсумда «Торино»нинг А Сериядаги бешта голидан иккитасига муаллифлик қилди.
29 ёшли ҳужумчининг келажаги ёзда ноаниқ эди. «Торино» унга келиб тушган таклифларни кўриб чиққан ва шартнома муддати тугагач, футболчини текинга бой бериш хавфини инобатга олиб, уни сотиш вариантини ҳам кўриб чиққан.
Энди эса клуб Адамс билан янги битим имзолашни устувор вазифа сифатида белгилаган.
