"Арсенал" ҳимоячиси Юрриен Тимбер халқаро танаффус вақтида Нидерландия терма жамоасининг гуруҳ машғулотида иштирок этмади. Футболчи жароҳатдан тикланишда давом этмоқда ва индивидуал дастур асосида шуғулланяпти.
Voetbal International хабарига кўра, "Арсенал" Нидерландия терма жамоаси мураббийлар штаби билан тўғридан-тўғри алоқа қилган. Томонлар Тимбернинг жисмоний ҳолатини назорат қилиш мақсадида унга махсус юклама режимини ишлаб чиққан.
Тимбер Англия Лига кубогида "Ипсвич"га қарши ўйинни ўтказиб юборган эди. Англия Премьер-лигасидаги сўнгги "Брайтон"га қарши учрашувда эса у майдонда тахминан бир соат ҳаракат қилди.
Тахминларга кўра, ҳимоячи Нидерландия терма жамоасининг Германияга қарши яқинлашиб келаётган учрашувида майдонга тушмайди.
