Лионель Скалони Аргентина терма жамоаси бош мураббийи лавозимида қолиши мумкин. Бу ҳақда журналист Фабрицио Романо Аргентинанинг Doble Amarilla нашрига таяниб, ижтимоий тармоқларда хабар берди.
Манба маълумотига кўра, Аргентина футбол ассоциацияси Скалонига икки йилга мўлжалланган янги шартнома таклиф қилган. Шунингдек, келишувда ҳамкорликни 2030 йилги жаҳон чемпионатига қадар узайтириш имконияти ҳам кўзда тутилиши мумкин. Энди Аргентина терма жамоасидаги келажаги борасида якуний қарорни Скалонининг ўзи қабул қилиши керак.
48 ёшли мутахассис Аргентина терма жамоасини 2018 йилдан буён бошқариб келмоқда. Унинг қўл остида жанубий америкаликлар 2022 йилги жаҳон чемпионатида ғолиб чиққан ва икки бор Америка кубогини қўлга киритган.
