«Барселона» вингери Ламин Ямал бўйи ўсиб бораётгани рақибларни бирга-бир вазиятда алдаб ўтиш қобилиятига салбий таъсир кўрсатади деб ҳисобламайди.
Ёш испаниялик футболчи ўтган икки мавсумда Европанинг энг яхши дриблерларидан бири бўлган эди. Охирги вақтларда ўйинчи сезиларли даражада ўсди (унинг ҳозирги бўйи — 183 см), бу эса кенг тарқалган фикрларга кўра, унинг тезкорлиги ва дриблингига салбий таъсир қилиши мумкин эди.
«Одамлар бўйим ўсгани сабабли энди менга дриблинг қилиш қийинроқ бўлаётганини айтишмоқда, аммо мен буни ҳис қилмаяпман. Менимча, бўйим яхши ва табиий даражада. Мен жамоадаги энг бўйдор ўйинчилар сирасига кирмайман. Ўзимни мутлақо қулай ҳис қиляпман», — дейди Ямал сўзларини Barca Universal.
Жорий мавсумда 19 ёшли футболчи саккизта ўйинда майдонга тушиб, саккизта гол урди ва олтита голли узатмани амалга оширди.
