"Тоттенхэм" ҳимоячиси Эндрю Робертсон "Ливерпуль"дан Лондон клубига ўтиши ҳақида гапирди.

"Январь ойиданоқ, агар "Тоттенхэм" Премьер-лигада қолса, янги клубим айнан шу жамоа бўлиши аниқ эди. Мен "Тоттенхэм" ўйинларини кузатиб, уларни қўллаб-қувватлай бошладим. Айниқса, Де Дзерби келганидан кейин жамоанинг муваффақият қозонишига тўлиқ ишонч ҳосил қилдим. "Тоттенхэм" мени жуда қаттиқ ўз сафига қўшиб олишни истаганидан хурсанд бўлдим", — дея Робертсоннинг сўзларини журналист Фабрицио Романо келтирди.

32 ёшли шотландиялик футболчи ўтган ёзда "Тоттенхэм" сафига қўшилиб, клуб билан тўрт йиллик шартнома имзолади. Жорий мавсумда ҳимоячи барча мусобақалар доирасида олтита учрашувда майдонга тушиб, битта голли узатмани ўз ҳисобига ёздирди.