"Tottenxem" himoyachisi Endryu Robertson "Liverpul"dan London klubiga o‘tishi haqida gapirdi.

"Yanvar oyidanoq, agar "Tottenxem" Premyer-ligada qolsa, yangi klubim aynan shu jamoa bo‘lishi aniq edi. Men "Tottenxem" o‘yinlarini kuzatib, ularni qo‘llab-quvvatlay boshladim. Ayniqsa, De Dzerbi kelganidan keyin jamoaning muvaffaqiyat qozonishiga to‘liq ishonch hosil qildim. "Tottenxem" meni juda qattiq o‘z safiga qo‘shib olishni istaganidan xursand bo‘ldim", — deya Robertsonning so‘zlarini jurnalist Fabrisio Romano keltirdi.

32 yoshli shotlandiyalik futbolchi o‘tgan yozda "Tottenxem" safiga qo‘shilib, klub bilan to‘rt yillik shartnoma imzoladi. Joriy mavsumda himoyachi barcha musobaqalar doirasida oltita uchrashuvda maydonga tushib, bitta golli uzatmani o‘z hisobiga yozdirdi.