«Наполи» ярим ҳимоячиси Кевин Де Брёйне клубдаги сўнгги мавсумини ўтказаётган бўлиши мумкин.
Томонлар ўртасида шартномани узайтириш бўйича музокаралар боши берк кўчага кирган. Бу ҳақда инсайдер Николо Скира ижтимоий тармоқларда хабар берди.
Бельгиялик футболчининг амалдаги шартномаси келаси йил ёзида якунига етади. Айни пайтдаги вазият тажрибали ярим ҳимоячи мавсум охирида «Наполи»ни эркин агент сифатида тарк этиши мумкинлигини кўрсатмоқда.
Кевин Де Брёйне 2025 йилда «Наполи» сафига эркин агент сифатида қўшилган эди. Италияга кўчиб ўтишидан олдин у ўн йил давомида «Манчестер Сити» шарафини ҳимоя қилган.
Жорий мавсумда 35 ёшли футболчи Массимилиано Аллегри жамоаси сафида олтита ўйин ўтказиб, битта гол урди ва битта голли узатмани амалга оширди.
