Аргентина терма жамоаси бош мураббийи Лионель Скалонининг шартнома муддати якунига етиб бормоқда.
Аввалроқ аргентиналик мутахассис нима сабабдан миллий жамоа билан меҳнат шартномасини узайтиришни истамаётгани ҳақида хабар берилган эди.
Бироқ AOL маълумотига кўра, терма жамоа футболчилари Скалонининг қолишига умид қилмоқда. Жумладан, ёш истеъдод Николас Пас мураббий билан ишлашни давом эттириш истагини билдирди.
«У менга Аргентина терма жамоасида дебют қилиш имкониятини берди ва мен унинг қолишига умид қиламан», — деди Пас.
Тажрибали ҳимоячи Кристиан Ромеро ҳам бу масалада ўз фикрини билдирди:
«Биз унинг қолишига умид қиламиз. У миллий жамоа учун жуда муҳим шахс», — деди Ромеро.
Бу фикрни Леонардо Балерди ва Жанлука Престианни каби бошқа аргентиналик футболчилар ҳам қўллаб-қувватлади. Ҳар икки футболчи ҳам 2026 йилги жаҳон чемпионатини ўтказиб юборган.
