«Барселона»нинг собиқ футболчиси Гаиска Мендьета клубнинг янги ўйинчиси Энтони Гордон яқин орада гол ура бошлашига ишонч билдирди ва унинг умумий ўйинини юқори баҳолади.

Англия терма жамоаси аъзоси ҳозиргача тўртта голли узатмани амалга оширди, аммо сўнгги учрашувларда дарвоза олдида ўзига бўлган ишонч етишмаётгани сезилмоқда.

«Энтони Гордон дебют ўйинининг ўзида иккита голли узатма берди. Бу Ла Лига тарихидаги энг яхши натижа, демак, у аллақачон рекордларни янгилаяпти. Мухлислар уни яхши кўради. Мен «Райо Вальекано»га қарши ўйинни шарҳладим ва у алмаштирилганида мухлислар унинг исмини ҳайқиришди», — деди Мендьета.

«Албатта, у жуда кучли рақобатга дуч келмоқда. Аммо менимча, у яхши ўйнаяпти, айниқса жамоада Ламин Ямал борлигини ҳисобга олсак.

Бундан ташқари, ҳозир «Барса» Рафинья билан қандай ўйнаётгани, Гордонга ўхшаш тезкор ва тўғридан-тўғри футбол ўйнайдиган футболчи учун Ханс-Дитер Флик тизими жуда мос. Шу сабаб у жамоага жуда тез мослашди.

Шунинг учун, менимча, голлар — фақат вақт масаласи. Албатта, гап ўйин сифати, голли узатмалар ва голлар ҳақида кетмоқда. Ҳозир у асосий таркибдан жой олиш учун курашда устун келмоқда. Рақобат кучли бўлади, аммо у яхши ўйнаяпти», — деди Мендьета.